St. Diogo Church, Guirim Sangolda

Dor vorsa tisria aitarak vo tache uprant aitar yeta tedna, amche igorjent amchia askaria Sant Diogo-hachi porob somarombhtale. Hia vorsak 'Corona Virus' haka lagun hem fest adle bhaxen somarombhchem nhoi mhonn vhoddilamni suchna kelea. Hea khatir onum festacho gonngonn ascho nam. Punn fest asa vo nam ekuch tem, amkam toddeank titlem poddlolem nam! Kiteak mhonntta hanv oxem? Ami amchia jivitan kitlim festam kelim? Toddeanch mezunk zaina titlim! Amchem Kristi jivit bodol'lam? Ani amchia purvozannim amkam nov disamchi otmik toyari dilea, amchea jivitachi novsornni korche pasot. Toddeank ami hia novenache toyarent vantto ghetanv. Ponn jem  rovochonnant aikota nv tem dusreak lagta mhonn somzotanv. Otmik toyari purn zanvche pasot, sondhan sonvskar dovorlolo asta. Punn kitlim zannam, amchia askariachia porbe somoyar ek borem kumsar kortanv? Mhonnttoch porbent vantto ghetlo, otmik vatten ekuch zalem nam? Porob nam zalear onum nuksann mat yenvche nam. Punn faido il'lo tori zatolo. Otmik vatten nhoi! Kuddiche vatten! Amkam festak ek tin tia panch ozarancho 'dress' mat zaich poddttalo. Fest nam ho despez mat suttlo. Porbe somoyar soireank, ixttank apounk borench kop kekoitale, jevonn kortale. Te mat duddu amkam urle. Punn atam tori ami udhar ponnacho hath ugddun ami konnaku ek supurlem dan kortoleanv? Tem mat amchia monantuch yevunkuch nam! Zo fest nam zaun il'lo tori faido zala, to ami amkanch dovorpacho? It'lim udhar zalea kit lem borem zaupachem. Festa somoyar tiatrui aschonam ami internetacher anik kitem-i polleupachem. Amchia tornatteank tanche kermes nam asun, amchia bhurgeank fulam lavun kitem-i urtalem tem mat mellche nam, SSVP-cho vo oribamcho konn ugddas korcho nam. He jem kitem amkam unnem poddtta, tem kednai tori amchian bhorun kaddum yeta. Mhonntoch hia vorsak fest asum vo fest nam, amkam kosloi fork poddpacho nam! Kiteak amchia jivitacher novsornni tem amkam faideak zaunk nam, punn bhailoch dhobazo zala zalear hio festam-porbo ani kiteak zai? Fokt purvoz korit aileat mhonn ami tio chalu dovrunk? Dor eke porbe vorvim tunvem Sant Diogochea jivitacher nodor marlear ani Jezuchia panvlamnim chol'lear odik faideachem zauchenam? Hacher matxe chint…